စင်ကာပူမြို့တော်ကြီးတွင် တစ်စုံတစ်ရာ ချို့ယွင်းနေပြီလော
ဖြိုးဝင်းကိုကို ဘာသာပြန်သည်။
အတွဲအမှတ် (၂၅ ၊ အမှတ် ၄၈၇)
စင်ကာပူနိုင်ငံသည် ကမ္ဘာ့နေထိုင်၍အကောင်းဆုံးမြို့များစာရင်းတွင်ထိပ်တန်းရောက်ရန်လိုအပ်နေသေးကြောင်း သိရှိရသည်။ နေ့စဉ် သတင်း အစီရင်ခံစာများတွင် စင်ကာပူနိုင်ငံ သည် ကမ္ဘာပေါ်တွင် အသန့်ရှင်းဆုံး၊ အပြည့်စုံဆုံးနှင့် အမြော်အမြင် အရှိဆုံး မြို့ဟု ရေး သားဖော်ပြနေကြသည်။
ပြီးခဲ့သော ကြာသပတေးနေ့ ကမ္ဘာ့ စီးပွားရေးနှီးနှောဖလှယ်ပွဲ၌ စင်ကာပူ နိုင်ငံကို အာရှတွင်စီးပွားရေးယှဉ်ပြိုင်နိုင် စွမ်းအရှိဆုံးနိုင်ငံဟု သတ်မှတ်ပြီး ကမ္ဘာ ပေါ်တွင် ဆွစ်ဇာလန်နှင့် ဆွီဒင်ပြီးလျှင် တတိယမြောက် စီးပွားရေး အကောင်းဆုံး နိုင်ငံဖြစ်ကြောင်း ဖော်ပြသည်။
ယခုနှစ်တွင် စင်ကာပူ နိုင်ငံ၏ စီးပွား ရေးဖွံ့ဖြိုးနှုန်းမှာ ၁၅ ရာခိုင်နှုန်းခန့်ရှိ မည်ဟု ခန့်မှန်းထားကြပြီး တရုတ်နိုင်ငံ ကို ကျော်တက်ကာ ကမ္ဘာ့စီးပွားရေး ဖွံ့ဖြိုးနှုန်း အမြန်ဆုံးနိုင်ငံဖြစ်လာသည်။
အာရှတွင် လာဘ်ပေးလာဘ်ယူမှု အနည်းဆုံးနိုင်ငံဖြစ်ပြီး ကမ္ဘာပေါ်တွင်နယူးဇီလန်နှင့် ဒိန်းမတ်ပြီးလျှင် လာဘ်စားမှု တတိယအနည်း ဆုံးနိုင်ငံဖြစ် ကြောင်း သိရသည်။ ထိုသို့ဖြစ်လင့် ကစား စင်ကာပူနိုင်ငံသည် ကမ္ဘာပေါ်၌ နေထိုင်၍အကောင်းဆုံး မြို့များစာရင်း တွင် ထိပ်တန်းစာရင်းရောက်ရန်လိုအပ် နေသေးကြောင်း သိရသည်။
၂၀၁၀ ပြည့်နှစ် 'မာဆာ'နေထိုင်မှု အရည်အသွေးလေ့လာစစ်တမ်းအရ စင်ကာပူနိုင်ငံသည် ကနေဒါ(ကယ်ဂါရီ မြို့)နှင့်အတူ ကမ္ဘာ့နေ ထိုင်မှုအကောင်းဆုံးအဆင့်(၂၈)၌သာ ရပ်တည်နေရသည်။၎င်းသည် အဖြေရှာရန် ခက်ခဲသော ၀ိရောဓိဖြစ်ပြီး ဘော့ဒိုင်လန်၏ ဂန္တ၀င် သီချင်းတစ်ပုဒ်ကို သွားသတိရ မိပါသည်။
"တစ်ခုခုတော့ လွဲချော်နေပြီ။ ဒါပေ မယ့် ဘာလွဲချော်နေမှန်းမသိဘူး။ သင် ရော သိပါသလား မစ္စတာဂျုံးစ်"ဟူ သော စာသားကို သတိ ရမိပါသည်။
မှန်ပါသည်။မကြာသေးမီကာလများအတွင်းစင်ကာပူနိုင်ငံတွင်အထူးအဆန်းများဖြစ်ပွားခဲ့ပါသည်။ စင်ကာပူ (Young Lions) ဘောလုံး အသင်းနှင့် တရုတ်(ပေကျင်း Guoan) ဘောလုံးအသင်းကြားယခုလအစောပိုင်းဖြစ်ပွား ခဲ့သော ရန်ပွဲကိုကြည့်ပါလေ။ ပဋိပက္ခဖြစ် ၍ ပွဲကို ရပ်လိုက်ရသည် အထိ တစ်ပွဲလုံးကြမ်းကြမ်းတမ်းတမ်း ကစားခဲ့ကြသည်။
ထိုကဲ့သို့ ထူးခြားသော်လည်း ရှားရှား ပါးပါး မဟုတ်သော အကြမ်းဖက်မှုသည် စင်ကာပူ၏ တခြား ထူးခြားသော ဓလေ့ ထူးတစ်ခုကို အမှတ်ရစေသည်။ ရာဇ၀တ် မှုကင်းမဲ့ သော စင်ကာပူဟု ဆိုကြသော် လည်း စင်ကာပူနိုင်ငံ၏ အ၀ါရောင် လမ်းညွှန် စာအုပ်များ တွင် ရှေ့နေလိပ်စာများဖြင့် ပြည့်နေသည်။
၎င်းတို့ အားလုံးသည် ဘာမျှအလုပ် မရှိဘဲထိုင်နေကြသည်မဟုတ်ပေ။ သေ တမ်းစာများ၊ အိမ်ခြံမြေရောင်းဝယ်ရေး စာချုပ်များကိုသာ လုပ်နေကြရသည် လည်း မဟုတ်ပေ။ ရာဇ၀တ်မှုများကို ကိုင်တွယ်ဖြေရှင်းနေကြရခြင်းဖြစ်သည်။ လူသတ်မှု၊ လုယက်မှု၊ လိမ်လည်မှု၊ မုဒိမ်းမှုစသည်တို့ကို ဖြေရှင်းနေခြင်းဖြစ် သည်။ တစ်ပတ်လုံးအဆင်ပြေသည့်နေ့ တရားရုံးကို သွားကြည့်ပါလေ။
ရာဇ၀တ်မှုကင်းသော စင်ကာပူဆိုသည့် ဒဏ္ဍာရီအပြင်တခြားတစ်ခုရှိသေးသည်။ ဆင်းရဲသော စင်ကာပူ နိုင်ငံသားမရှိဟူသော စကား ပင်ဖြစ် သည်။ အများကြီးရှိပါသည်။
၎င်းတို့သည် လူနေတိုက်ခန်းဝင်းများ ထဲတွင် မွန်းလွဲပိုင်းအချိန်များ၌ စုဝေးကာ အလှူများကိုလက်ခံရန်စောင့်ဆိုင်း နေတတ်ကြသည်။ ၎င်း အလှူထုပ်များ၌ ကြက်ဥခြောက်လုံး ကတ်တစ်ကတ်၊ ဆန်တစ်ထုပ်၊ ပဲတစ်ဘူး၊ ချောကလက်ပူတစ်ခွက်နှင့် အိမ်သာသုံးစက္ကူတစ် လိပ် တို့ ပါဝင်သည်။
စင်ကာပူနိုင်ငံ၏ ပြည့်စုံလုံလောက် မှုကို ကြည့်မည်ဆိုလျှင်လည်း ၎င်း၏ ကျော်ကြား လှသော လုံခြုံရေးဝန်ဆောင် မှုကို ကြည့်ပါလေ။
ဇွန်လအတွင်း တင်းကျပ်သည်ဟု ယူဆရသော အစောင့်အကြပ် များရှိ သည့်ကြားက ခပ်ကဲကဲကောင်နှစ်ကောင် သည် စင်ကာပူမြေ အောက်ရထားMRT ၏ ဘူတာရုံတွင်းသို့ ခိုးဝင်ကာ ရထားတွဲများကို မှုတ်ဆေးဖြင့် ရေးခြစ် ခြင်းများ ပြုလုပ်ခဲ့ကြောင်း သိရသည်။
ထူးထူးခြားခြား ပင် ၎င်းရောင်စုံ ရထားသည် အံ့အားသင့် နေကြသော ခရီးသွားများရှေ့တွင် ပြေးဆွဲပေးခဲ့ ကြောင်း သိရသည်။ MRT ပေါ်၌ အကြမ်းဖက်သမားများက ဗုံးကိုလည်း ထိုသို့ အလွယ်တကူထောင်၍ ရနိုင် မည်ဟု မတွေးမိသူ ရှိပါမည်လော။
၎င်းလုံခြုံရေးပေါ့လျော့မှုသည် လွန်ခဲ့ သော နှစ်နှစ်ခန့်က ဖြစ်ပွားခဲ့သော ပေါ့လျော့မှုလောက် မဆိုးသေးပေ။ လွန်ခဲ့သော နှစ်နှစ်ခန့်က နိုင်ငံ၏အပူတပြင်းအလိုရှိနေသော အကြမ်းဖက် သမား မားစ်ဆယ်လယ်မတ် ကက်စ်တာရီသည် နိုင်ငံ၏ ကျော်ကြားသော ၀ှစ်တလေ ၀ုဒ်အကျဉ်းထောင်မှထွက်ပြေး လွတ်မြောက်သွားခဲ့ခြင်းပင်ဖြစ်သည်။
ဆယ်လယ်မတ်သည် အိမ်သာသွား မည်ဟု ပြောသွားပြီး အိမ်သာပြတင်း ပေါက်မှ ကျော်တက်ကာ ထွက်ပြေး လွတ်မြောက်သွားခြင်း ဖြစ်သည်။ ဤ ရှက်ဖွယ် ပေါ့လျော့မှု အတွက် မည်သည့် စင်ကာပူဝန်ကြီး (သို့မဟုတ်) အထက် တန်းတာဝန်ရှိသူမျှ နုတ်ထွက်စာတင် ခဲ့ခြင်းမရှိပေ။ ထို့ပြင် ကမ္ဘာလှည့်ခရီး သွားများသည် စင်ကာပူဟိုတယ်များ၌ အင်တာနက် အသုံးပြုမှု အပေါ်တွင် တောင်းခံသော ငွေ များလွန်း၍ ဒေါသ ထွက်ကြသည်။ ဆက်သွယ်ရေးအလွန် ကောင်းသည့် မြို့ကြီးတစ်မြို့မည်သို့ ဖြစ်သွားလေသနည်း။ တခြားနိုင်ငံမှ ဟိုတယ်များမှာ အင်တာနက်ကို အခမဲ့ အသုံးပြုခွင့်ပေးကြသည်ချည်းဖြစ်သည်။
ကိုယ့်အီးမေးလ်လေးကိုကိုယ်ပြန်ကြည့်ရန်ပင် ဤမျှ မတန်တဆပေးနေရပြီး လခနည်းနည်းဖြင့် အလုပ်လာလုပ်သော နိုင်ငံခြားသား အလုပ်သမားများက နောက်တစ်နေ့တွင်ကောက်သိမ်းကြမည်ဟု သိနေကြသဖြင့် စင်ကာပူနိုင်ငံသားများက အမှိုက်ကို စည်းမဲ့ ကမ်း မဲ့ ပစ်နေသမျှ ကာလပတ်လုံး စင်ကာပူသည်ကမ္ဘာ့နေထိုင်၍အကောင်းဆုံးမြို့ဆုကို ဘယ်တော့မျှ ရယူနိုင်မည် မထင်ပေ။
ထိုအားတက်ဖွယ်စာရင်းများ၏ တစ်ဖက်တွင်စင်ကာပူနိုင်ငံသည် တစ်ခုခုမှားယွင်းနေပြီလောဟုထင်မိပါသည်။ နိုင်ငံ၏ လက်ရှိဝန်ကြီး ချုပ်သည် သူ့အဖေ၏ လက်သုံးတော် ကျာပွတ်ကို ထုတ်ယူကာ ရိုက်နှက်ဆုံး မသင့်ပြီဟု ဆိုလိုက်ချင်ပါသည်။
